Демократски сојуз: Осуда за национализмот

08.01.2019

Демократски сојуз: Осуда за национализмот

Демократскиот сојуз најостро го осудува национализмот преку кој има обиди да се блокираат евроатланските процеси на Република Македонија.

Најавите на некои лидери на партии од албанската етничка заедница пред референдумот за Преспанскиот  договор, дека сто посто од албанците наспроти македонците, се за НАТО и ЕУ и тогаш и сега се само непромислена маркетиншка манипулација, што се покажа како неточна  и според излезноста на гласањето.

За влез во НАТО и ЕУ, постои  граѓански и политички консензус, но екстремните националистички барања на Беса и Алијансата на Албанците, за промени во Уставот на Република Македонија, кои немаат врска со имплементацијата на Преспанскиот договор, отворат сомнеж во нивната проевропска и пронато определба и се најава за блокада на овие процеси.

Владата на Република Македонија и парламентарното мнозинство направија многу компромиси и отстапки на штета на државните интереси. Понатамошни отстапки можат да го срушат целиот процес и да навлеземе во внатрешни меѓуетнички недоразбирања со несогледливи последици.

Уцените и условувањата треба да престанат и да се гледаат и поддржат  надпартиски и наднационални идеи за просперитет на Република Македонија, а тоа се членството во НАТО и ЕУ.

Демократскиот сојуз повикува на разумно и одговорно однесување од сите партии, а за отворените прашања ќе има време да се дебатираат и разрешуваат.

Последни Активности

12.02.2014

ДС: За консензуален претседател одлучуваат граѓаните

За претседател на државата треба да биде предложен кандидат со високи морални квалитети, со личен и професионален интегритет, кандидат кој ќе биде посветен на реализација на приоритетите на Република Македонија, а тоа се евроинтеграциите и полноправното членство во НАТО. 

прочитај повеќе...

26.12.2013

Трајанов за Нова Македонија: Одговорност за спорот со името треба да преземат сите релевантни политички фактори

Господине Трајанов, имавте повеќе предлози што би можеле да го олеснат наоѓањето решение за името. Побаравте ЕУ-посредник за спорот со Грција, но веќе подолго време барате и општ консензус за прашањето.

прочитај повеќе...
partners partners partners partners partners partners