31.08.2015

ДС: Партиите да се воздржат од предизборна кампања

Демократскиот сојуз смета дека надвор од Изборниот законик, политичките партии ја започнаа предизборната кампања, која може да биде основа за  заострување на политичката криза и целосно маргинализирање на Договорот од Пржино.

Во време кога траат преговорите за излез од политичката криза и практично имплеметирање на политичкиот договор од 2 јуни 2015 година (Пржино), сведоци сме на агресивна предизборна кампања, со што се кршат важечките изборни правила. Тоа покажува дека партиите ( посебно партиите потписнички на договорот), не се подготвени да ги почитуваат законите, ниту пак да прифатат решенија кои се во интерес на државата и граѓаните, туку поаѓаат исклучиво од партиските и лични интереси.

Демократскиот сојуз ја повикува Државната изборна комисија да реагира на соодветен начин.