Демократски сојуз: Да се забрани увоз на отпад кој се користи како гориво
23.12.2019

Демократски сојуз: Да се забрани увоз на отпад кој се користи како гориво

Демократскиот сојуз ги повикува надлежните органи во државата наместо да го трошат времето убедувајќи ги граѓаните дека годинава воздухот е помалку загаден од лани, да преземат итни мерки за  заштита на здравјето на граѓаните од аерозагадувањето.

Фактот што Советот за национална безбедност ќе расправа за аерозагадувањето, потврдува дека тоа е „непријател број 1“ кој го загрозува здравјето на граѓаните.

Демократскиот сојуз смета дека доколку во подготовката и имплементацијата на Стратегијата за намалување на аерозагадувањето се вклучат експерти (никако политички манипуланти), сигурно ќе има поголеми позитивни ефекти.

Во оваа насока сугерираме да се забрани увоз на отпад кој се користи како гориво (дотогаш увозот строго да се контролира), да се забрани увоз и користење на мазут со високи концентрации на штетни материи (сулфур и др.), да се исфрли користењето на црвената нафта во сообраќајот, да се исклучуваат возилата кои испуштаат штетни гасови повисоки од утврдените стандарди на ЕУ, да се забрани користење на прегорено масло за затоплување во помалите фирми, работилници, дуќани и сл.

За овие мерки да дадат резултати, ги повикуваме надлежните инспекциски органи да ја зголемат контролата и инспекциите на теренот а надлежните институции да предвидат и законски измени за повисоки казни на прекршителите.

Истовремено, ги повикуваме надлежните органи во Министерството за заштита на животната средина и Владата да ги преиспитаат А- интегрираните еколошки дозволи кои им се доделени на големите индустриски капацитети во најзагадените градови во Македонија (Скопје, Битола, Тетово...), зашто и покрај вградувањето на филтрите овие капацитети придонесуваат за загадувањето на воздухот.

Демократскиот сојуз предлага Владата со итни дополнителни средства од буџетот или со средства од европските фондови, да интервенира и со други мерки кои даваат позитивни ефекти - замена на печките на дрва со печки на пелети, гас, инвертери и сл.

На долгорочен план, неопходна е гасификација на целата држава, исфрлање од употреба на возилата кои загадуваат, како и јакнење на свеста кај граѓаните за заштита на животната средина, за што е потребен итен план со јасни рокови и надлежности.

Последни Активности

1.11.2012

КАНДИДАТИ ЗА ГРАДОНАЧАЛНИЦИ НА ДЕМОКРАТСКИ СОЈУЗ:

1. Радовиш

Страхил Гавритов, електро инженер, вработен во ЈП Плаваја-Радовиш.

2. Неготино

Ванчо Петров, професор во Гимназијата во Неготино...

прочитај повеќе...



13.11.2012

Трајанов - Историски момент за компромис со Грција

Очекувам да се дојде до некаков компромис, но тоа пред сè ќе зависи од внатрешното единство, од тоа дали Република Македонија ќе изгради единствена политика околу ова прашање, вели Павле Трајанов, водачот на македонската парламентарна делегација на Заседанието на Асамблеата на НАТО во Прага.

прочитај повеќе...

19.11.2012

ОПШТИНСКАТА ОРГАНИЗАЦИЈА НА ДС - КОЧАНИ ИЗБРА НОВ ПРЕТСЕДАТЕЛ

„ Потекнувам од работничко семејство, во партијата влегов поради чесноста, потенцијалите, политичката одговорност и пред се поради политичката иднина, којa ја гледам во Демократски сојуз “... 

прочитај повеќе...

14.01.2013

Kако до нови работни места?

Демократскиот сојуз, заедно со граѓаните ќе работи на градење на Програма за отворање на нови работни места , развој на економијата и унапредување на животниот стандард на граѓаните.

прочитај повеќе...

18.03.2012

ОБРАЌАЊЕ НА ПАВЛЕ ТРАЈАНОВ НА IV-ОТ КОНГРЕС НА ДЕМОКРАТСКИОТ СОЈУЗ

Почитувани делегати, гости, драги пријатели, екселенции, претставници на медиумите, сакам да Ве поздравам и да посакам успешна работа на Конгресот. Демократскиот сојуз е партија која постојано бранува, партија која го слуша гласот на граѓаните. Силата на Демократскиот сојуз, произлегува од нашите принципиелни заложби...

прочитај повеќе...
partners partners partners partners partners partners